Thursday, June 25, 2015

អ្នកកីឡាល្បីៗ សម្រុកបង្កើត Page ផ្លូវការផ្ទាល់ខ្លួននាពេលថ្មីៗ

មួយរយៈពេលចុងក្រោយនេះ អ្នកកីឡាល្បីៗជាច្រើនបាននាំគ្នាសម្រុកបង្កើត Page ផ្ទាល់ខ្លួនដើម្បីឲ្យអ្នកគាំទ្ររបស់ខ្លួនចុច Like និងតាមដានពីសកម្មភាពរបស់ខ្លួន។ កន្លងមកមានអ្នកកីឡាល្បីៗចំនួនបានបង្កើន Page របស់ខ្លួនរួចហើយ ប៉ុន្តែហាក់មិនផុលផុសដូចថ្មីៗនេះទេដោយមានទាំងកីឡាករបាល់ទាត់ តេក្វាន់ដូ បាល់បោះ បាល់ទះ និងអ្នកកីឡាផ្សេងៗជាច្រើនទៀតបានបង្កើត និងបង្ហាញថា នេះជា Page ផ្លូវការរបស់ខ្លួន។ ខាងក្រោម Sabay សូមលើកយក Pages របស់អ្នកកីឡាមួយចំនួនដែលអ្នកគាំទ្រមួយចំនួនប្រហែលជាមិនទាន់ស្គាល់ ឬចុច Like នៅឡើយ៕

Page របស់កីឡាករជម្រើសជាតិបាល់ទាត់កម្ពុជា ចាន់ វឌ្ឍនាកា

កីឡាករ ចាន់ វឌ្ឍនាកា

Page ផ្លូវការរបស់កីឡាករបាល់ទាត់ជម្រើសជាតិកម្ពុជា ប្រាក់ មុន្នីឧត្តម

ប្រាក់ មុន្នីឧត្ដម ( អាវខៀវ)

Page ផ្លូវការរបស់កីឡាករបាល់ទាត់ជម្រើសជាតិកម្ពុជា រស់ សំអឿន

រស់ សំអឿន

Page ផ្លូវការរបស់កីឡាករបាល់ទាត់ជម្រើសជាតិកម្ពុជា នេន សុធារ័ត្ន

កីឡាករ នេន សុធារ័ត្ន

Page ផ្លូវការរបស់កីឡាករបាល់ទាត់ជម្រើសជាតិកម្ពុជា ស៊ូ យ៉ាទី

សួស យ៉ាទី ( ឈរមុខគេ )

Page ផ្លូវការរបស់កីឡាករបាល់ទាត់ជម្រើសជាតិកម្ពុជា សុខ សុវណ្ណ
Page ផ្លូវការរបស់កីឡាករបាល់ទាត់ជម្រើសជាតិកម្ពុជា អ៊ុំ សេរីរ័ត្ន
Page ផ្លូវការរបស់កីឡាករបាល់ទាត់ជម្រើសជាតិកម្ពុជា ទូច បញ្ចរ៉ុង

រាប់ពី ឆ្វេងទី១ ( ទូច បញ្ញារុង ) កណ្ដាល ( សុខ សុវណ្ណ) និងទី ៣ (អ៊ុំ សេរីរ័ត្ន )

Page ផ្លូវការរបស់កីឡាករបាល់ទាត់ជម្រើសជាតិកម្ពុជា ឃឹម បូរី
Page ផ្លូវការរបស់កីឡាករបាល់ទាត់ជម្រើសជាតិកម្ពុជា ធារី ចន្ថាប៊ីន
Page ផ្លូវការរបស់កីឡាករបាល់ទាត់ជម្រើសជាតិកម្ពុជា ឃួន ឡាបូរ៉ាវី
Page ផ្លូវការរបស់កីឡាការិនីហែលទឹកជម្រើសជាតិកម្ពុជា ហែមថុន វិទីនី
Page ផ្លូវការរបស់កីឡាការិនីជម្រើសជាតិតេក្វាន់ដូកម្ពុជា ស៊ន សៀវម៉ី
Page ផ្លូវការផ្ទាល់ខ្លួនរបស់កីឡាការិនីជម្រើសជាតិតេក្វាន់ដូកម្ពុជា ស៊ន ដាវិន
Page ផ្លូវការផ្ទាល់ខ្លួនរបស់កីឡាករបាល់ទាត់ជម្រើសជាតិកម្ពុជា គួច សុកុម្ភះ
Page ផ្លូវការរបស់កីឡាករជម្រើសជាតិបាល់ទាត់ កែវ សុខផេង

Page ផ្លូវការរបស់កីឡាករជម្រើសជាតិបាល់ទាត់ កុក បូរីស
Page ផ្លូវការរបស់កីឡាករជម្រើសជាតិបាល់ទាត់ ឈិន ឈឿន
Page ផ្លូវការរបស់កីឡាករជម្រើសជាតិបាល់ទាត់ សាយ ពិសិដ្ឋ
Page ផ្លូវការរបស់កីឡាករជម្រើសជាតិបាល់ទាត់ ប្រាក់ មុន្នីភារុន

អត្ថបទ៖ ស្រី សុវណ្ណដារ៉ា

មហាសេដ្ឋីចិនទិញដីនៅអាមេរិក ២៣លានដុល្លារទុកអភិរក្សព្រៃឈើ

7:11 AM ទូទៅ No comments

មហាសេដ្ឋីចិន Jack Ma ដែលជាសហស្ថាបនិកនៃក្រុមហ៊ុនទំនិញអនឡាញអាលីបាបា (Alibaba) បានចំណាយទ្រព្យផ្ទាល់ខ្លួន ២៣លានដុល្លារ ដើម្បីទិញដីមួយកន្លែងនៅសហរដ្ឋអាមេរិក ទុកអភិរក្សព្រៃឈើ។

ដីដែលមហាសេដ្ឋីលំដាប់ទីបីនៅក្នុងប្រទេសចិនទិញ មានទំហំ ១១៣៧២ហិកតា ដែលមានទីតាំងស្ថិតនៅតំបន់ភ្នំ Adirondack លាតសន្ធឹងភាគខាងជើងក្រុងញូវយ៉ក សហរដ្ឋអាមេរិក។ លោក Jack Ma បានចំណាយប្រាក់ ២៣លានដុល្លារទិញដីដ៏ធំនេះ ក្នុងគោលបំណងទុកអភិរក្សព្រៃឈើ និងចាត់ទុកជាកន្លែងសម្រាកលំហែកាយផងដែរ។ នេះបើតាមការបញ្ជាក់របស់អ្នកនាំពាក្យ។

តំបន់បៃតងស្រងាត់ដែលគេស្គាល់ថាជាឧទ្យាន Brandon Park មានទន្លេប្រវែងជាង ១៤គីឡូម៉ែត្រ បឹងបួរ ដងស្ទឹង ស្រះទឹក ព្រៃឈើ ព្រមទាំងកន្លែងសម្រាកលំហែមួយ មានអាយុកាលតាំងពីទសវត្សរ៍ឆ្នាំ១៩៤០ នៅពីក្រោយច្រកចូល។ ក្រៅពីនេះ នៅមានផ្ទះពីរខ្នង រួមទាំងរោងសេះមួយផ្សេងទៀត។

ដើមឡើយ ដីដ៏ធំនេះជាផ្នែកមួយនៃតំបន់អភិរក្សធម្មជាតិ Bay Pond ដែលបង្កើតឡើងលោក William A. Rockefeller ក្នុងរង្វង់ដើមសតវត្សទី២១ នេះ។ សួនឧទ្យាន Brandon ត្រូវដាក់លើបញ្ជីលក់លើកដំបូងកាលពីឆ្នាំ២០១២ ក្នុងតម្លៃ ២៨លានដុល្លារ។ ក្រោយមក នៅឆ្នាំ២០១៤ ឧទ្យានបៃតងនេះ បានធ្លាក់ថ្លៃបន្តិច និងត្រូវមហាសេដ្ឋី Jack Ma ទិញយកនៅឆ្នាំ២០១៥ នេះ៕

ចុចអាន៖ កំពូលអ្នកមានដាច់គេបីរូបរបស់ចិនសុទ្ធតែកើតឆ្នាំរោង

ប្រែសម្រួល៖ គង់ វិសាល
ប្រភព៖ wsj

Gmail អាចឲ្យអ្នកបញ្ឈប់សារដែលផ្ញើចេញហើយ ដោះស្រាយបញ្ហាខកចិត្តកន្លងមករបស់អ្នកប្រើប្រាស់

7:00 AM បច្ចេកវិទ្យា No comments

ប្រិយមិត្តមួយចំនួនប្រាកដជាធ្លាប់ជួបប្រទះនូវភាពសោកស្ដាយ ដែលកើតមានឡើងនៅពេលដែលអ្នកផ្ញើ Email ទៅកាន់មនុស្សខុស ឬប្រើពាក្យពេចន៍ខុស។ តែចាប់ពីពេលនេះទៅ អ្នកនឹងលែងជួបប្រទះស្ថានភាពបែបនេះទៀតហើយ ដោយសារតែមុខងារ Undo Send របស់ Gmail។

មុខងារ Undo Send នេះគឺអាចពន្យារពេលការផ្ញើចេញនូវ Email របស់អ្នកបានក្នុងរយៈពេល ៥វិនាទី, ១០វិនាទី, ២០វិនាទី, និង៣០វិនាទី។ ប្រសិនបើអ្នកកំណត់ត្រឹម៣០វិនាទី នោះពេលដែលផុតរយៈពេល៣០វិនាទី Emailនឹងផ្ញើចេញទៅភ្លាម ហើយក្នុងរយៈពេល៣០វិនាទី បើអ្នកគិតថា Email របស់អ្នកខុសត្រង់ចំណុចណា ហើយមិនចង់ផ្ញើចេញទៅ អ្នកអាចចុចលើពាក្យ Undo Send វិញបាន។

ដើម្បីធ្វើដូចនេះបាន ចូលទៅកាន់ Gmail នៅលើកុំព្យូទ័រអ្នក រួចចូលទៅទីតាំង Setting របស់ Gmail ហើយស្វែងរកពាក្យ Undo Send រួចចុចលើ Enable Undo Send និងជ្រើសរើសរយៈពេលណា ដែលអ្នកចង់បាន នោះជាការស្រេច។ នៅពេលដែលអ្នកធ្វើការផ្ញើ Email នោះនឹងមានលោតចេញផ្ទាំងមួយបង្ហាញថា “Your message has been sent” ហើយនៅក្បែរនោះមានពាក្យថា Undo Send៕

-ចុចអាន៖ កម្មវិធីទូរសព្ទបង្រៀនធ្វើម្ហូបមែន

ប្រែសម្រួល៖ ហៃ សុខហេង
ប្រភព៖ 9to5google, entrepreneur

Ford បង្ហាញកង់ឆ្លាតវៃអាចបត់បាន និងមានមុខងារច្រើនសូម្បីជង្ហុកក៏ដឹង

6:57 AM បច្ចេកវិទ្យា No comments

នៅក្នុងសន្និសីទ Further with Ford នៅក្នុងទីក្រុង California កាលពីថ្ងៃអង្គារកន្លងទៅ ក្រុមហ៊ុនផលិតរថយន្តរបស់អាមេរិក Ford បានបង្ហាញគំរូកង់អគ្គិសនីឆ្លាតវៃចុងក្រោយរបស់ខ្លួនដែលមានឈ្មោះថា MoDe:Flex។

MoDe:Flex គឺផ្ដល់ភាពងាយស្រួលក្នុងការយកតាមរថយន្តដោយវាអាចបត់ និងដាក់ទៅគូទឡានបានដោយងាយ។ មិនត្រឹមតែប៉ុណ្ណោះ វាមានកម្មវិធីសម្រាប់ភ្ជាប់ជាមួយនាឡិកា Apple Watch ដែលអាចប្រើមុខងារ “no sweat” ដើម្បីត្រួតពិនិត្យលើចង្វាក់បេះដូងក្នុងការបង្កើនថាមពលអគ្គិសនីល្បឿនធាក់ដើម្បីធានាថាអ្នកជិះមិនបែកញើស។

បន្ថែមទៀត វាមានកម្មវិធី MoDe:Link ដែលអាចបង្ហាញអ្នកជិះពីព័ត៌មានអាកាសធាតុ ផ្លូវ និងស្ថានភាពចរាចរណ៍នៅផ្លូវខាងមុខនៅលើទូរសព្ទ Smartphone។

Ford បានបន្ថែមទៀតថាកម្មវិធី app ដែលភ្ជាប់ជាមួយនឹង នាឡិកា Apple Watch អាចរកឃើញជង្ហុកនៅលើដងផ្លូវ និងអាចប្រាប់ឲ្យអ្នកជិះបានដឹងតាមរយៈការញ័រនៅនឹងដៃកង់។

ក្រុមហ៊ុនផលិតរថយន្តរបស់អាមេរិកនេះមិនទាន់បានបង្ហាញពីលក្ខណៈសម្បត្តិជាក់លាក់របស់កង់ថ្មីនេះទេ ប៉ុន្តែវាប្រហែលជាស្រដៀងទៅនឹងគំរូមុនគឺ MoDe:Pro ដែរដោយមានម៉ូទ័រកម្លាំង ២០០ វ៉ាត់ និងអាគុយអគ្គិសនីដែលមានថាមពល 9-amp ជាមួយនឹងប្រភេទឈ្នាន់ដែលអាចជួយបង្កើនល្បឿនបាន ២៥ គ.ម/ម៉៕

អានបន្ត៖ កង់ពេលអនាគតអាចបន្សុទ្ធខ្យល់ និងផលិតអុកស៊ីហ្សែនបានទៀត

ប្រែសម្រួល៖ សំនៀង
ប្រភព៖ theverge

ប្រើកុំព្យូទ័ររាល់ថ្ងៃ ដឹងថាដាក់ម៉ូនីទ័របែបណាទើបត្រឹមត្រូវ និងល្អចំពោះភ្នែកឬអត់?

5:39 AM បច្ចេកវិទ្យា No comments

សម្រាប់អ្នកធ្វើការក្នុងការិយាល័យភាគច្រើននៃម៉ោងការងារគឺជាការប្រាស្រ័យទាក់ទងនឹងកុំព្យូទ័រ។ មានចាប់អារម្មណ៍ទេថា ពេលខ្លះសម្លឹងកុំព្យូទ័រយូរធ្វើឲ្យអ្នកឈឺភ្នែក រាលដាលដល់ក្បាលដែលរំខានដល់កិច្ចការងារកំពុងធ្វើជាហេតុធ្វើឲ្យលទ្ធផលការងារចុះខ្សោយ។ ឥលូវនេះ យើងរៀនវិធីរៀបចំម៉ូនីទ័រកុំព្យូទ័រឲ្យបានត្រឹមត្រូវដែលល្អចំពោះសុខភាព និងឲ្យលទ្ធផលការងារកាន់តែប្រសើរជាងមុន។

ទី ១ ត្រូវប្រាកដថា កន្លែងដែលអ្នកអង្គុយ និងម៉ូនីទ័រត្រូវមានចម្ងាយសមល្មម (លាតដៃរបស់អ្នកទៅមុខឲ្យត្រង់ឲ្យអស់រហូតចុងដៃប៉ះអេក្រង់ម៉ូនីទ័រ)។ ក្នុងករណីដែលម៉ូនីទ័រខ្ពស់ពេក ឬទាបពេក អ្នកអាចប្រើសៀវភៅកល់បន្ថែម ឬដំឡើងកៅអីឲ្យខ្ពស់ជាងមុន។

ទី ២ ពេលភ្នែករបស់អ្នកសម្លឹងទៅម៉ូនីទ័រត្រង់ទៅមុខ ប្រវែងពីចំណុចត្រង់នោះទៅផ្នែកខាងលើម៉ូនីទ័រដែលនៅសល់គួរមានប្រវែង ៧ សង់ទីម៉ែត្រ ឬ ១០ សង់ទីម៉ែត្រ។

ទី ៣ ពេលភ្នែករបស់អ្នកសម្លឹងទៅម៉ូនីទ័រត្រង់ទៅមុខ និងសម្លឹងបញ្ឆាកចុះដល់ផ្នែកខាងក្រោមនៃផ្ទៃម៉ូនីទ័រត្រូវមានរង្វាស់ប្រហាក់ប្រហែល ៦០ ដឺក្រេ

ទី ៤ បើប្រើម៉ូនីទ័រពីរ ត្រូវសារ៉េម៉ូនីទ័រទាំងពីរឲ្យមានទំហំ និង Resolution ដូចគ្នា និងទុកចន្លោះកណ្ដាលចំហតូចបន្តិច។ ការធ្វើបែបនេះកុំឲ្យភ្នែករបស់អ្នកត្រូវប្រឈមនឹងកម្រិតពន្លឺ និង Resolution ខុសគ្នាដែលបង្កជាបញ្ហាដូចជាឈឺភ្នែក ឬស្រវាំងភ្នែកពេលមើលរយៈពេលយូរ។

លើសពីនេះ ឥរិយាបថអង្គុយមុខកុំព្យូទ័ររបស់អ្នកក៏ត្រូវរៀបចំឲ្យត្រឹមត្រូវដែរ។ វីដេអូខាងក្រោមអាចជួយអ្នកបានត្រង់ចំណុចនេះ។

អាន៖ សម្លឹងមើលទូរសព្ទទីងងឹតអាចឈឺភ្នែក គួរធ្វើយ៉ាងណា?

ប្រែសម្រួល៖ សីហា
ប្រភព៖ Businessinsider

រថយន្ត BMW មួយគ្រឿងនេះចេះប្រែកាយពេលត្រូវទឹកក្ដៅ!

5:37 AM បច្ចេកវិទ្យា No comments

វិចិត្រករអាល្លឺម៉ង់មួយរូបបានបង្កើតនូវសិល្បៈដ៏អស្ចារ្យមួយនៅលើរថយន្ត BMW ដោយវាអាចប្រែកាយបានភ្លាមៗនៅពេលដែលជះទឹកក្ដៅទៅលើរថយន្តនោះ។

ខាងក្រោមនេះជាសកម្មភាពនៃការប្រែកាយរបស់រថយន្ត BMW៖

រថយន្តBMWមើលពីដំបូងឃើញមានពណ៌ខៀវស្រងាត់ ប៉ុន្តែនៅពេលដែលគេយកទឹកក្ដៅមួយធុងទៅចាក់លើរថយន្តនោះ ស្រាប់តែវាចាប់ដូររូបរាងទៅជាផ្ទាំងរូបភាពមួយទៀតដ៏អស្ចារ្យទៅវិញ។ រូបភាពដែលវិចិត្រកររូបនេះបានបង្កប់តាមពិតគឺជារូបភាពរបស់តួអង្គមួយរូបមានឈ្មោះ Hulk នៅក្នុងខ្សែភាពយន្ត The Avengers ។ គាត់គូររូបភាពនេះឡើងដោយប្រើទឹកថ្នាំម្យ៉ាងដែលអាចប្រែពណ៌នៅពេលត្រូវកម្ដៅ។

-ចុចអាន៖ Samsung បង្ហាញរថយន្តមានអេក្រង់ក្រោយ ងាយស្រួលអ្នកបើកវ៉ា

ប្រែសម្រួល៖ ហៃ សុខហេង
ប្រភព៖ Mirror

Google+ទៅមិនរួច Facebook?

5:34 AM បច្ចេកវិទ្យា No comments

Facebook បានផ្លាស់ប្ដូរទម្លាប់មួយភាគធំរបស់យុវវ័យជុំវិញពិភពលោក បូករួមទាំងកម្ពុជាផង។ ចុះ Google+ វិញទទួលបានការគាំទ្រប៉ុណ្ណាដែរ? អាចប្រៀបជាមួយFacebook បានអត់?

ឆ្លើយតបទៅនឹងសំនួរនេះ លោក ឌឿង សុភា តួនាទីជា Web Developer មួយរូបកំពុងបម្រើការងារនៅក្រុមហ៊ុនឯកជនមួយ បានលើកឡើងថា Google+ ថ្វីត្បិតតែជាបណ្ដាញសង្គមដូចFacebook មែន ប៉ុន្តែប្រជាប្រិយភាពរបស់បណ្ដាញសង្គមមួយនេះ មិនអាចយកទៅប្រៀបFacebook បានឡើយ។ លោកថា ចុះឈ្មោះលេង G+ បានជាង ២ឆ្នាំហើយ តែអ្នកលេងហាក់ខ្សត់ខ្សោយ មិនសកម្មដូចFacebook ទេ។ “ជាង២ឆ្នាំ ដូចគ្នា Friend ក្នុងG+ មានតែជាង ៨០០នាក់…Facebook ខ្ញុំមានជាង ១,៤០០នាក់”។

ទន្ទឹមនឹងការលើកឡើងថា G+ ហាក់ស្ងប់ស្ងាត់មិនដូចFacebook របស់សុភា ស្រាប់តែលោក ឡុញ សាមដី មាននាទីជា ICT Project Manager ប្រចាំក្រុមហ៊ុនResolvo ឯណេះវិញនិយាយថា មិនដូច្នោះទេ ព្រោះFriend ក្នុងCircle របស់លោក មានជិត ២ពាន់នាក់ឯណោះ។ តែលោកជឿថា google+ ហាក់មានTechnical ខ្ពស់ជាងFacebook ដែលជាហេតុមិនអាចទាក់ទាញUser ធម្មតា ឬស្រីៗឲ្យលេងច្រើនបាន។ “ក្នុងចំណោម Friend ខ្ញុំជាង ១ ៨០០នាក់ ពួកម៉ាកស្រី មិនដល់ ១០០នាក់ផង”។

ងាកមកជួបនារី ដែលនិយមលេងFacebook ដែរនោះ សុភីថា នាងមិនដែលស្គាល់ទេ Google Plus ហ្នឹងនោះ កុំថាឡើយដល់លេង ណាមួយនាងមិនមែនជាអ្នកIT អីផង។

ជាអ្នកជំនាញកូដមួយរូប (Programmer) កញ្ញា សុវណ្ណឌី អះអាងថា បើទោះបីជាគេយល់ដឹងច្រើនគួរសមពាក់ព័ន្ធនឹងតិចនិកខល បន្តិចមែនតែ Google+ គេមិនមានគណនីទេ។ នាងថា លេងតែFacebook ឬSkype ជាដើម G+ ហ្នឹងអត់ដែលលេងផង។

G+ (Google Plus) ជាបណ្ដាញទំនាក់ទំនងសង្គមមួយរបស់Google ដែលបានដាក់ដំណើរការជាផ្លូវការកាលពីថ្ងៃទី ២៨ ខែមិថុនា ២០១១។ គិតមកដល់ចុងឆ្នាំ ២០១២ Social Network ដែលប្រកាសជាគូប្រជែងដ៏ធំបំផុតរបស់Facebook មួយនេះ មានអ្នកចុះឈ្មោះចូលលេងប្រហែល ៣០០ លាននាក់គិតត្រឹមខែមីនាឆ្នាំ ២០១៥ ខណៈដែលអ្នកលេងហ្វេសប៊ុគមានរហូតដល់ទៅជាង ១ពាន់លាននាក់ទៅហើយ។

ចុះមិត្តយុវវ័យវិញយល់យ៉ាងណាចំពោះប្រជាប្រិយភាពរបស់Google+ (G+)? សម្បូរស្រីៗលេងដូចFacebook អត់?

អត្ថបទ៖ សេង ណារិទ្ធ

Microsoft បញ្ចេញកូនកុំព្យូទ័រថេប្លេត Surface Pro 3 តម្លៃទាបដើម្បីប្រជែងជាមួយ iPad និង Macbook របស់ Apple

11:54 PM បច្ចេកវិទ្យា No comments

Microsoft បញ្ចេញកូនកុំព្យូទ័រថេប្លេត Surface Pro 3 តម្លៃទាបដើម្បីប្រជែងជាមួយ iPad និង Macbook របស់ Apple

ថ្ងៃទី 1 មេសា 2015, 09:43:AM

5 Google +1 1 0

ក្រុមហ៊ុន Microsoft បានបញ្ចេញកូនកុំព្យូទ័រថេប្លេតកំណែថ្មីតម្លៃទាបរបស់ខ្លួនគឺ Surface Pro 3 ក្នុងបំណងធ្វើការទាក់ទាញដល់សិស្សនិស្សិត និង គ្រួសារដែលរិះថាំថវិកា។ នេះបើតាមវេបសាយដេលីមែលកាលពីថ្ងៃទី ៣១ ខែមីនា។

Surface Pro 3 ថ្មីនេះមានអេក្រង់តូចជាងមុនបន្តិចគឺ ១០.៨ អ៊ីញ ប៉ុន្តែនឹងដំណើរការលើកំណែថ្មី Window ពេញលេញតែម្តង។ ក្រុមហ៊ុន Microsoft សង្ឃឹមថាខ្លួននឹងអាចជំនួសកុំព្យូទ័រយួរដៃទូទៅសម្រាប់អ្នកទិញជាច្រើន ហើយនឹងជួយទប់ទល់នឹង iPad និង កុំព្យូទ័រយួរដៃ Macbook របស់ក្រុមហ៊ុន Apple។

Microsoft បញ្ចេញកូនកុំព្យូទ័រថេប្លេត Surface Pro 3 ដែលភ្ជាប់ខាងក្រៅជាមួយនឹង Keyboard និងប៊ិក Stylus

លោក Panos Panay តំណាង Microsoft បាននិយាយថា "ខណៈដែលយើងបានគ្រោងរៀបចំការបន្ថែមបន្ទាប់ទៀតដល់គ្រួសារ Surface រាល់សំណួរនានាចំពោះចម្លើយសម្រាប់អតិថិជនរបស់យើងបានក្លាយជាសាមញ្ញ។ តើយើងនឹងផលិតផលិតផលអ្វីដើម្បីធ្វើឲ្យប្រាកដថា យើងអាចទាញយកអត្ថប្រយោជន៍អស់ពីលទ្ធភាពពីអ្វីដែលយើងបានបង្កើតក្នុង Surface Pro 3 ដែលអាចរកបានចំពោះមនុស្សជាច្រើននោះ? យើងបានចាប់ផ្តើមជាមួយនឹងអ្វីដែលយើងមានភាពល្បីល្បាញខាងនោះ នោះគឺថេប្លេតដ៏អស្ចារ្យមួយ ដែលអាចបំពេញមុខងារជាកុំព្យូទ័រយួរដៃ, សមត្ថភាពធ្វើឲ្យដំណើរការរាល់កម្មវិធី Window ទាំងអស់ រួមទាំងកម្មវិធី Office ពេញលេញ និង បទពិសោធន៍ប្រើប្រាស់ប៊ិក ដែលនឹងធ្វើឲ្យ Surface មានលក្ខណៈពិសេសដាច់ពីគេ"។

ថេប្លេតថ្មីនេះមានតម្លៃ ៤៩៩ ដុល្លារ ហើយចំពោះថេប្លេតដែលអាចផ្ទុកទិន្នន័យបានច្រើនជាងនេះនឹងមានតម្លៃ ៥៩៩ ដុល្លារ។ ចំពោះ Keyboard ខាងក្រៅ ដែលជាលក្ខណៈពិសេសមួយទៀតរបស់ Surface នឹងមានតម្លៃ ១២៩ ដុល្លារបន្ថែមទៀត ខណៈដែលប៊ិក Stylus វិញនឹងលក់ក្នុងតម្លៃ ៤៩ ដុល្លារ៕

- See more at: http://www.cen.com.kh/world/04122849#sthash.b8Iid5ha.dpuf

អ្នកវិទ្យាសាស្ត្រកំពូលរបស់ណាសាអះអាងថាយើងជិតបានឃើញជីវិតភពក្រៅហើយក្នុងពេល ១០ទៅ២០ ឆ្នាំទៀត

11:44 PM បច្ចេកវិទ្យា No comments

អ្នកវិទ្យាសាស្ត្រកំពូលរបស់ណាសាអះអាងថាយើងជិតបានឃើញជីវិតភពក្រៅហើយក្នុងពេល ១០ទៅ២០ ឆ្នាំទៀត

ថ្ងៃទី 8 មេសា 2015, 10:13:AM

63 Google +0 2 0

យោងតាមវេបសាយដេលីមែលកាលពីថ្ងៃទី ៧ ខែមេសា មានភពដូចផែនដីយ៉ាងតិច ២០០ ពាន់លាននៅក្នុងកញ្ចុំផ្កាយកាឡាក់ស៊ី (Galaxy) របស់យើង ហើយឥឡូវក្រុមមន្ត្រីរបស់អង្គការណាសាអះអាងថា យើងអាចជិតបានឃើញជីវិតនៅលើភពមួយក្នុងចំណោមភពទាំងនោះហើយ។

អំឡុងការពិភាក្សាមួយក្នុងទីក្រុងវ៉ាស៊ីនតោនកាលពីថ្ងៃអង្គារ ទីភ្នាក់ងារអវកាសមួយនេះបានប្រកាសថា មនុស្សលោកទំនងជិតបានឃើញជីវិតភពក្រៅហើយក្នុងរយៈពេលមួយទសវត្សរ៍ទៀត។

លោកស្រី Ellen Stofan ប្រធានអ្នកវិទ្យាសាស្ត្រសម្រាប់អង្គការណាសាបានប្រកាសកាលពីថ្ងៃអង្គារថាយើងនឹងជិតបានឃើញជីវិតក្រៅភពក្នុងពេល ១០ ទៅ ២០ ឆ្នាំទៀត

លោកស្រី Ellen Stofan ប្រធានអ្នកវិទ្យាសាស្ត្រសម្រាប់អង្គការណាសាបាននិយាយថា "ខ្ញុំជឿថាយើងនឹងមានការចង្អុលបង្ហាញដ៏រឹងមាំមួយអំពីជីវិតក្រៅភពផែនដីនៅមួយទសវត្សរ៍ទៀត និងភស្តុតាងច្បាស់លាស់ក្នុងរយៈ ១០ ទៅ ២០ ឆ្នាំទៀត"។

លោកស្រីនិយាយថា "យើងដឹងថាទីណាត្រូវពិនិត្យមើល យើងដឹងពីរបៀបពិនិត្យមើលវា និង ក្នុងករណីភាគច្រើនបំផុត យើងមានបច្ចេកវិទ្យាសម្រាប់វាតែម្តង"។

លោក Jeffery Newmark នាយកស្តីទីផ្នែកព្រះអាទិត្យរូបវិទ្យានៅទីភ្នាក់ងារនេះបានបន្ថែមថា "វាប្រាកដណាស់មិនមែន ប្រសិនបើនោះទេ តែវាគឺ តើនៅពេលណា"។

លោកស្រី Stofan បាននិយាយថា "យើងមិនមែននិយាយអំពីមនុស្សបៃតងតូចៗនោះទេ។ យើងនិយាយអំពីអតិសុខុមប្រាណតូចៗ"។

ការប្រកាសនេះត្រូវបានធ្វើឡើងដោយសារការរកឃើញទឹកថ្មីៗនេះរបស់អង្គការណាសានៅក្នុងទីកន្លែងដ៏គួរឲ្យភ្ញាក់ផ្អើលជាច្រើន។ លោក Jim Green នាយកផ្នែកវិទ្យាសាស្ត្រផែនដីនៅណាសា បានកត់សម្គាល់ថាការសិក្សាថ្មីៗនេះអំពីបរិយាកាសភពអង្គារបានរកឃើញថា អឌ្ឍគោលខាងជើងរបស់ភពនេះចំនួន ៥០% ធ្លាប់មានមហាសមុទ្រជម្រៅជិតពីរគីឡូម៉ែត្រ។

ការសិក្សាដដែលនេះបានរកឃើញថា ទឹកបានមានវត្តមានលើភពក្រហមនេះរយៈពេលរហូតដល់ទៅ ១,២ ពាន់លានឆ្នាំឯណោះ។

លោកស្រី Stofan បាននិយាយថា "យើងគិតថាអំឡុងពេលវេលាដ៏យូរនេះគឺមានសារៈសំខាន់ណាស់សម្រាប់ឲ្យជីវិតបំលែងខ្លួនកាន់តែស្មុគ្រស្មាញ"។

អនុប្រធានអង្គការណាសា លោក John Grunsfeld បាននិយាយថា លោកមានក្តីរំភើបណាស់អំពីការដែលបានឃើញនូវអ្វី ដែលបានបង្កើតជីវិតឡើងនៅក្រៅភពផែនដី"។

លោកបាននិយាយថា "នៅពេលណាដែលយើងទៅហួសពីភពអង្គារ ដែលកកើតចេញពីរូបធាតុដូចផែនដីដែរនោះ ឱកាសដែលថាជីវិតមានលក្ខណៈស្រដៀងនឹងអ្វីដែលយើងបានឃើញនៅលើផែនដីនេះគឺមានទាបណាស់។ ខ្ញុំគិតថា យើងនៅសល់មួយជំនាន់ទៀតទើបបានឃើញជីវិតក្រៅភពក្នុងប្រព័ន្ធសុរិយគតិរបស់យើង និង មួយជំនាន់ទៀតនៅលើភពនៅជុំវិញព្រះអាទិត្យ"៕

- See more at: http://www.cen.com.kh/world/04122861#sthash.vkwQ4LD0.dpuf

Pacquiao ត្រូវប្រជាជនហៅបុរសចិត្តល្អ បន្ទាប់ពីយកអាហារជូនក្មេងៗនៅសាលា

11:13 PM ទូទៅ No comments

Pacquiao ត្រូវប្រជាជនហៅបុរសចិត្តល្អ បន្ទាប់ពីយកអាហារជូនក្មេងៗនៅសាលា

2 Jun, 2015 08:57

Manny Pacquiao, កីឡាប្រដាល់អន្តរជាតិ

0 Comment (s)

Manny Pacquiao ត្រូវបានប្រជាជនហ្វីលីពីនដាក់ឈ្មោះឱ្យជា បុរសចិត្តល្អ បន្ទាប់ពីកីឡាកររូបនេះបានទិញចំណីអាហារយកទៅឱ្យក្មេងៗនៅតំបន់ដាច់ស្រយាលមួយក្នុងប្រទេសហ្វីលីពីនកាលពីម្សិលមិញនេះ។

29426E3000000578-0-image-a-1_1433196708596

ដើម្បីអបអរទិវាសិទ្ធកុមារអន្តរជាតិ អ្នកប្រដាល់ជើងខ្លាំងនៅអាស៊ី Pacquiao បាននាំក្រុមគ្រួសារ និងក្រុមការងាររបស់គេផ្ទាល់ទៅសាលារៀនមួយកន្លែងក្នុងតំបន់ Sarangani ដើម្បីយកនំចំណីខ្លះចែកជូនកុមារទាំងអស់ក្នុងសាលារៀននោះ។ បន្ទាប់ពីចែករបស់របរដល់ក្មេងៗនោះហើយ បុរសវ័យ៣៦ឆ្នាំរូបនេះបានសរសេរនៅលើ Instagram របស់គេដែរថា៖ “នេះជាការបរិច្ចាគសម្ភារៈ និងចំណីអាហារបន្តិចបន្តួចដល់ក្មេងៗនៅតំបន់ Sarangani ។ សូមអរគុណដល់ព្រះជាម្ចាស់ដែលតែងតែជួយលើកទឹកចិត្តដល់ពួកគេ”។

2942EFE600000578-0-image-a-13_1433197132847

សូមបញ្ជាក់ថា បន្ទាប់ពីទទួលបានប្រាក់១២០លានដុល្លារអាមេរិកពីការប្រកួតជាមួយ Floyd Mayweather កាលពីដើមខែឧសភា ក៏មានដំណឹងលេចឮដែរថា បុរសកូន៥រូបនេះបានចំណាយលុយពាក់កណ្ដាល ៦០លានដុល្លារអាមេរិកជូនដល់អង្គការសប្បុរសធម៌ដើម្បីជួយដល់ក្មេងៗកំពុងតែជួបផលលំបាកនៅតាមប្រទេសផ្សេងៗផងដែរ៕

ចុចអាន៖Pacquiao ចាញ់មែនពិត តែអ្នកគាំទ្រនៅហ្វីលីពីនចាត់ទុកជាវីរបុរស

ប្រែសម្រួល៖ មុន្នី រម្យ
ប្រភព៖ dailymail

ចិនបង្ហាញទូ ATM ដកឬដាក់លុយ ស្កេនផ្ទៃមុខជាការស្រេច

11:08 PM បច្ចេកវិទ្យា No comments

ចិនបង្ហាញទូ ATM ដកឬដាក់លុយ ស្កេនផ្ទៃមុខជាការស្រេច

2 Jun, 2015 09:32

ព័ត៌មានបច្ចេកវិទ្យា

Comment (s)

កាលពីថ្ងៃសៅកន្លងទៅនេះ ក្រុមហ៊ុនបច្ចេកវិទ្យាមួយរបស់ប្រទេសចិនបានបង្ហាញនូវបច្ចេកវិទ្យាជំនាន់ចុងក្រោយមួយគឺការស្កេនមុខដើម្បីប្រើប្រាស់ទូ ATM ជំនួសឲ្យការវាយបញ្ចូលលេខកូដ។

VID: Facial Recognition ATMs to Curb ATM -related Crimes

ប្រព័ន្ធថ្មីនេះត្រូវបានបង្កើតឡើងដោយសាកលវិទ្យាល័យ Tsinghua រួមជាមួយនឹងក្រុមហ៊ុនបច្ចេកវិទ្យាTzekwan។ នៅពេលដែលអ្នកប្រើប្រាស់ស៊កកាតចូលទៅក្នុងទូ ATM នោះ កាមេរ៉ានឹងចាប់ផ្ដើមធ្វើការស្កេនមុខ ប្រសិនបើមុខនោះដូចគ្នាទៅនឹងរូបថតដែលប្រើដើម្បីបើកគណនីធនាគារនោះ អ្នកប្រើប្រាស់នឹងអាចធ្វើប្រតិបត្តិការដក ឬដាក់ប្រាក់បាន។ លើសពីនេះទៅទៀត ទូ ATM នេះថែមទាំងអាចធ្វើការប្ដូររូបិយប័ណ្ណប្រាក់យ័ន ទៅជារូបិយប័ណ្ណរបស់ប្រទេស២៥៦ផ្សេងបានទៀតផង។

ស្ថាបនិករបស់ប្រព័ន្ធនេះ លោក Gu Zikan បានមានប្រសាសន៍ថា វានឹងក្លាយជាបច្ចេកវិទ្យាស្កេនមុខដំបូងបង្អស់ក្នុងពិភពលោក ហើយក៏នឹងមានប្រើប្រាស់លើទីផ្សារក្នុងពេលឆាប់ៗខាងមុខនេះផងដែរ។

ប្រែសម្រួល៖ ហៃ សុខហេង
ប្រភព៖ dailymail

កញ្ញាមាន សូនីតាស្វែងរកការកម្សាន្តនៅផ្ទះដែលស័ក្តិសម

11:06 PM បច្ចេកវិទ្យា No comments

កញ្ញាមាន សូនីតាស្វែងរកការកម្សាន្តនៅផ្ទះដែលស័ក្តិសម

2 Jun, 2015 11:50

ការផ្សាយពាណិជ្ជកម្ម

Comment (s)

មួយរយៈមកនេះគេសង្កេតឃើញថាតារាសម្តែងនិងជាតារាបង្ហាញម៉ូដកញ្ញាមាន សូនីតាកាន់តែទទួលបានការគាំទ្រយ៉ាងខ្លាំងនៅតាមបណ្តាញសង្គមជាមួយម៉ូដសម្លៀកបំពាក់ច្នៃពីក្រមាខ្មែរនិងការតុបតែងខ្លួនបែបយុវវ័យពិតជាស័ក្តិសមទៅនឹងទម្រង់មុខដ៏ស្រស់ផូរផង់របស់នាង។ពេលនេះកញ្ញាមាន សូនីតាបានប្រាប់ថានាងកំពុងស្វែងរកការកម្សាន្តផ្ទាល់ខ្លួននៅផ្ទះមួយដែលផ្តល់នូវទំនុកចិត្តនិងស័ក្ដិសមឥតខ្ចោះសម្រាប់តារាជាទីចំណាប់អារម្មណ៍របស់មហាជនដូចជានាង។

ជាមួយនឹងជីវភាពប្រចាំថ្ងៃដ៏មមាញឹករបស់កញ្ញាមានសូនីតាតែងតែត្រូវជួបនឹងមនុស្សជាច្រើននិងចំណាយពេលវេលាជាច្រើននៅមុខកាមេរ៉ាស្ទើររកពេលសម្រាកគ្មានប៉ុន្តែ ទោះបីជាយ៉ាងណាក៏ដោយនាងនៅតែមិនចង់ឲ្យមានការខកខាននូវការកម្សាន្តផ្ទាល់ខ្លួនឡើយ។

សូនីតាបានថ្លែងថា «ខ្ញុំចូលចិត្តទស្សនាខ្សែភាពយន្តការបង្ហាញម៉ូដសម្លៀកបំពាក់និងតាមដានរាល់ប្រធានបទថ្មីៗណាស់ប៉ុន្តែខ្ញុំមិនមានពេលវេលាគ្រប់គ្រាន់ដើម្បីតាមដានគ្រប់កម្មវិធីទូរទស្សន៍នោះទេដូច្នេះខ្ញុំត្រូវការអ្វីមួយដែលអាចថតទុកនូវកម្មវិធីណាដែលខ្ញុំចូលចិត្តហើយផ្សាយចំម៉ោងដែលខ្ញុំកំពុងរវល់»។

កញ្ញាបានប្រាប់ថាបន្ទាប់ពីចូលរួមក្នុងការបើកសម្ពោធផលិតផលរបស់ក្រុមហ៊ុន Samsung នាងក៏បានយល់កាន់តែច្បាស់អំពីអត្ថប្រយោជន៍ដ៏មហិមារបស់ទូរទស្សន៍ប្រភេទថ្មី Samsung SUHD ។

«វាអាចថតទុកនូវកម្មវិធីទូរទស្សន៍ដោយស្វ័យប្រវត្តិតាមពេលវេលាដែលយើងបានកំណត់ទោះបីជាយើងកំពុងរវល់នៅខាងក្រៅក៏ដោយហើយយើងអាចចំណាយពេលត្រឹមតែរយៈពេល២វិនាទីប៉ុណ្ណោះដើម្បីបើកមើលកម្មវិធីទូរទស្សន៍និងប្រើប្រាស់អ៊ីនធឺណែតក្នុងពេលតែមួយបានដោយមិនមានការរំខានភ្នែក។»

កញ្ញា មាន សូនីតា បានប្រាប់ថានាងចូលចិត្តមើលទូរទស្សន៍នៅផ្ទះជាមួយក្រុមគ្រួសារឬមិត្តភក្តិ។ «ជាមួយនឹងទូរទស្សន៍ Samsung SUHD ធ្វើឲ្យយើងមានអារម្មណ៍រំភើបហាក់ដូចជាយើងកំពុងតែទស្សនារឿងនៅក្នុងរោងកុនដូច្នេះដែរហើយយើងថែមទាំងអាចបញ្ចេញអារម្មណ៍ទៅតាមសាច់រឿងដោយមិនខ្វល់ពីអ្វីទាំងអស់»។

កញ្ញា មាន សូនីតា បានថ្លែងដោយរំជើបរំជួលថា «ពេលខ្លះខ្ញុំទស្សនាខ្សែភាពយន្តតាមទូរស័ព្ទដៃពេលនៅខាងក្រៅបើសិនជាមានទូរទស្សន៍ Samsung SUHD នេះពេលមកដល់ក្នុងផ្ទះខ្ញុំពិតជាអាចបន្តទស្សនាខ្សែភាពយន្តនោះនៅលើកញ្ចក់ទូរទស្សន៍វិញបានភ្លាមៗតែម្តង»។

ទូរទស្សន៍ប្រភេទថ្មីនេះបំពាក់នូវបច្ចេកវិទ្យាណានូគ្រីស្តាល់ដែលផ្តល់នូវរូបភាពភ្លឺច្បាស់និងមានពណ៌ច្រើនជាងទូរទស្សន៍ UHD ធម្មតារហូតដល់៦៤ដងនិងមានកញ្ចក់កោងអាចទស្សនាបានពីគ្រប់ជ្រុងទាំងអស់។

ទូរទស្សន៍សាមស៊ុង SUHD មានស៊េរី JS9500និងJS9000 ដែលមានទំហំ ៥៥អ៊ីញ ៦៥អ៊ីញ និង ៧៨អ៊ីញដែលលោកអ្នកអាចរកទិញបាននៅលើទីផ្សារកម្ពុជា សម្រាប់ភ្ជាប់ទំនាក់ទំនងរបស់មនុស្សទៅកាន់ការកម្សាន្តគ្មានដែនកំណត់។

ចុះអ្នកវិញចង់បានទូរទស្សន៍ដ៏អស្ចារ្យដូចជាតារារូបស្រស់នេះដែរទេ?

អំពីក្រុមហ៊ុន Samsung Electronics co., Ltd
គឺជាក្រុមហ៊ុននាំមុខគេលើពិភពលោកផ្នែកបច្ចេកវិទ្យាដោយផ្តល់លទ្ធភាពថ្មីៗជូនមនុស្សគ្រប់រូបគ្រប់ទីកន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរឲ្យកាន់តែប្រសើរឡើងនូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ផ្ទះបាយ ម៉ាស៊ីនថតចម្លង ប្រព័ន្ធ LTE ឧបករណ៍វេទ្យាសាស្ត្រ ឧបករណ៍ផ្សេងៗប្រើប្រព័ន្ធអគ្គិសនី និងដំណោះស្រាយផ្សេងៗប្រើប្រព័ន្ធ LED។ យើង មានបុគ្គលិកចំនួន 307.000 នាក់ នៅទូទំាង 84 ប្រទេសដោយមានបរិមាណលក់ប្រចាំឆ្នាំ ចំនួន 196 ពាន់លានដុល្លារអាមេរិក។

ព័ត៌មានបន្ថែម សូមមើលគេហទំព័រ www.samsung.comនិង global.samsungtomorrow.com៕

អត្ថបទ៖ ពាណិជ្ជកម្ម

ឆ្នាំងសាក សាកទូរសព្ទពេញក្នុងពេលមួយម៉ោងងាយខូចថ្ម?

11:04 PM បច្ចេកវិទ្យា No comments

ឆ្នាំងសាក សាកទូរសព្ទពេញក្នុងពេលមួយម៉ោងងាយខូចថ្ម?

2 Jun, 2015 12:04

ព័ត៌មានបច្ចេកវិទ្យា

0 Comment (s)

ថ្មទូរសព្ទឆ្លាតវៃមុខជាខូចហើយបើសាកម្ដងមិនអាចទ្រទ្រង់បានមួយថ្ងៃ បើទោះបីមិនបានប្រើការអីផងនោះ។ នេះបើយោងតាមសារព័ត៌មាន Techradar។

iphonewirelesscharge_primary-100411152-large

ប្រធានក្រុមហ៊ុន Huawei លោក Richard Yu បានប្រាប់ដល់គេហទំព័រ TechRadar ថា ថ្មទូរសព្ទដែលសាកឆាប់ពេញគឺជះឥទ្ធិពលទៅលើជីវិតរបស់ថ្ម។ នេះមានន័យថា ថ្មទូរសព្ទរបស់អ្នកអាចនឹងខូចមុនអាយុកាលរបស់វាបាន ដោយសារការសាកបង្ខំឲ្យពេញនេះ។

បើយោងតាមគេហទំព័រ PC World ការស្រាវជ្រាវដែលបានបោះពុម្ពនាពេលកន្លងទៅបង្ហាញថា ការសាកថ្មដោយមិនបង្ខំអាចនឹងជួយឲ្យជីវិតថ្មទូរសព្ទរស់បានយូរ ប៉ុន្តែវានឹងធ្វើឲ្យថ្មឆាប់ខូចវិញ បើអ្នកប្រើ ឬបើកកម្មវិធីអ្វីដែលស៊ីថ្មលឿនក្នុងរយៈពេលដ៏ខ្លី។

កន្លងមក ក្រុមហ៊ុនបច្ចេកវិទ្យាខ្លះបានចេញឧបករណ៍បច្ចេកវិទ្យារបស់ខ្លួន ជំនួយឲ្យការសាកថ្មពេញតែក្នុងរយៈពេលមួយម៉ោងប៉ុណ្ណោះ។ ជាក់ស្ដែងក្រុមហ៊ុន Qualcomm របស់អាមេរិកបានចេញលក់ឧបករណ៍សាកថ្ម Quick Charge 2.0 ដែលអាចសាកទូរសព្ទផ្សេងពេញលឿន ប៉ុន្តែលោក Richard Yu រិះគន់ថា គុណភាពរបស់វាអាចនឹងមិនល្អដូចឈ្មោះរបស់វានោះឡើយ៕

ចុះប្រិយមិត្តយល់យ៉ាងណាដែរ សាកថ្មីឆាប់ពេញនេះ?

ប្រភព៖ techradar, pcworld

ទង់ជាតិប្រទេសកម្ពុជា

ពេលវេលា&កាលបរិច្ឆេទ

Categories

Followers

IM

Pages

Blog Archive

Thursday, June 25, 2015

Tuesday, June 23, 2015

Monday, June 1, 2015

Microsoft បញ្ចេញ​កូន​កុំព្យូទ័រ​ថេ​ប្លេ​ត Surface Pro 3 តម្លៃ​ទាប​ដើម្បី​ប្រជែង​ជាមួយ iPad និង Macbook របស់ Apple

Pacquiao ​ត្រូវ​​ប្រជាជន​ហៅបុរស​ចិត្ត​ល្អ បន្ទាប់​ពី​យក​អាហារ​ជូន​ក្មេង​ៗ​នៅ​សាលា

ចិន​បង្ហាញ​​ទូ​ ATM​ ដក​​ឬ​​ដាក់​​លុយ​​ ស្កេន​​​ផ្ទៃ​មុខ​​ជា​​ការ​​ស្រេច​

កញ្ញា​មាន​ សូនីតា​ស្វែង​រក​ការ​កម្សាន្ត​នៅ​ផ្ទះ​ដែល​ស័ក្តិសម​

ឆ្នាំង​សាក ​សាក​ទូរសព្ទ​ពេញ​ក្នុង​ពេល​មួយ​ម៉ោង​ងាយ​ខូច​ថ្ម?

Social Profiles

Google+Follow

ចំនួននាក់ចូលទស្សនា

Popular Posts

Footer Widget 1

Footer Widget 3

Footer Widget 2

Google+

Blog Archive

Labels

Text Widget

Blogger Tricks

Microsoft បញ្ចេញកូនកុំព្យូទ័រថេប្លេត Surface Pro 3 តម្លៃទាបដើម្បីប្រជែងជាមួយ iPad និង Macbook របស់ Apple

Pacquiao ត្រូវប្រជាជនហៅបុរសចិត្តល្អ បន្ទាប់ពីយកអាហារជូនក្មេងៗនៅសាលា

ចិនបង្ហាញទូ ATM ដកឬដាក់លុយ ស្កេនផ្ទៃមុខជាការស្រេច

កញ្ញាមាន សូនីតាស្វែងរកការកម្សាន្តនៅផ្ទះដែលស័ក្តិសម

ឆ្នាំងសាក សាកទូរសព្ទពេញក្នុងពេលមួយម៉ោងងាយខូចថ្ម?