G4 ក្រុមហ៊ុនមិនទាន់ច្បាស់នាំចូល តែក្រៅផ្លូវការតម្លៃជាង ១២០០ ដុល្លារ
ក្នុងពេលដែលក្រុមហ៊ុន LG នៅមិនទាន់ច្បាស់កាលបរិច្ឆេទសម្រាប់នាំចូល G4 សម្រាប់លក់លើទីផ្សារប្រទេសកម្ពុជា ឥឡូវនេះស្រាប់តែកំពូលស្មាតហ្វូនចុងក្រោយរបស់ LG នេះ ត្រូវបានហាងមួយចំនួនបាននាំចូលដោយប្រកាសតម្លៃលក់ជាង ១២០០ ដុល្លារ។
លោក ជា សុភ័ក្រ្ត ម្ចាស់ហាង The V Store បានឲ្យដឹងថា ហាងលោកទើបនាំចូល LG G4 មកលក់ក្រៅផ្លូវការ សម្រាប់លក់លើទីផ្សារអ្នកប្រើប្រាស់។ LG G4 នេះ មាន ២ ពណ៌គឺពណ៌ត្នោត និង ខ្មៅ។
ម្ចាស់ហាងរូបនេះបន្តថា ហេតុដែលលោកនាំចូលមុនក្រុមហ៊ុន ដោយសារជាតម្រូវការរបស់អតិថិជនដែលចង់ប្រើប្រាស់មុនគេ។ ម្យ៉ាងវិញទៀត វាអាចចំណេញបានច្រើន បើចាំក្រុមហ៊ុនគឺមិនសូវបានចំណេញប៉ុន្មានទេ។
សុភ័ក្រ្ត បន្ថែមថាបច្ចុប្បន្នលោកលក់បាន ៨ គ្រឿងហើយដោយក្នុង ១ គ្រឿងតម្លៃ ១២០០ ដុល្លារ។
បែរមក លោក សាន សុវណ្ណម៉ូនី តំណាងឲ្យក្រុមហ៊ុន G Gear ដែលនាំចូលផលិតផល LG បានឲ្យដឹងថា ក្រុមហ៊ុនមិនទាន់កំណត់ច្បាស់នៅឡើយសម្រាប់ការនាំ G4 មកលក់លើទីផ្សារកម្ពុជា។
លោកថា សម្រាប់ហាងមួយចំនួនដែលនាំមក ជាការនាំចូលក្រៅផ្លូវការមិនមានការធានាពីក្រុមហ៊ុននោះទេ។ សម្រាប់តម្លៃ លោកមិនទាន់ច្បាស់ថាយ៉ាងណានោះទេ។
សម្រាប់ព័ត៌មានបន្ថែម Sabay នឹងចុះផ្សាយបន្ត….
អត្ថបទ៖ ដារ៉ាឆានី
ប្រភបមកពីSabay News
.jpg)
0 comments:
Post a Comment