iPhone ជំនាន់ក្រោយលេចរូបរាង បំពាក់កាមេរ៉ាភ្លោះ គួរឱ្យភ្ញាក់ផ្អើល
បន្ទាប់ពីលេចឮព័ត៌មានផ្សេងៗអំពី iPhone ជំនាន់ក្រោយ ឥឡូវស្រាប់តែមានរូបភាព iPhone 6s ពណ៌មាស កាមេរ៉ាភ្លោះ បែកធ្លាយលើវិបសាយបរទេសជាច្រើន។
រូបភាពដែលត្រូវបានស្គាល់ថាជា iPhone 6s នេះ ត្រូវបានផ្ញើទៅឱ្យវិបសាយបច្ចេកវិទ្យា 9to5Mac កាលពីម្សិលមិញ។ iPhone ជំនាន់ក្រោយដែលបែកធ្លាយនេះ មានពណ៌មាសចាស់ ហើយចំណុចមួយ ដែលរឹតតែគួរឱ្យកត់សម្គាល់ខ្លាំងនោះគឺ វាបំពាក់ដោយកាមេរ៉ាភ្លោះ ដូចទៅនឹងពាក្យចចាមអារ៉ាមកន្លងមកអ៊ីចឹង។
យ៉ាងណាក៏ដោយ ពុំមានប្រភពណាមួយអាចបញ្ជាក់ថា តើរូបភាពនេះ ពិតជា iPhone 6s របស់ Apple មែនឬយ៉ាងណានោះទេ តែគ្រាន់តែអាចបញ្ជាក់ថាការរចនារបស់វា គឺពិតជាដូចព័ត៌មានដែលបានលេចឮកន្លងមកមែន។
បើតាមព័ត៌មានកន្លងមក បានឱ្យដឹងថា iPhone ជំនាន់ក្រោយបំពាក់ដោយកញ្ចក់ការពារ Sapphire Crystal រឹងមាំបំផុត RAM ដល់ទៅ 2GB កាមេរ៉ាក្រោយ 12MP និងប្រើបច្ចេកវិទ្យា Force Touch ហើយអេក្រង់របស់ iPhone ជំនាន់ក្រោយនេះ អាចនឹងបន្ថែម Virtual Button នៅផ្នែកជ្រុងនៃអេក្រង់ថែមទៀតផង៕
បើសិន iPhone ជំនាន់ក្រោយ ពិតជាមានរាងបែបនេះមែន តើប្រិយមិត្តយល់យ៉ាងណា?
ប្រែសម្រួល៖ ប៉ែត ផាន់និត
ប្រភព៖ redmondpie, 9to5mac
.jpg)
0 comments:
Post a Comment